أيوة بقولها ومش راح أخبي
حبك ساكن روحي وقلبي
وباعترافي اسجل اني
لما بعوزك مش بلاقيكي
مش بلاقيكي
قلبي كتيرسألني عليكي
وهو حقيقي دايب فيكي
ومش بلاقيكي
جوه ضلوعي ساكن حبك
وصوت من جوايا ببناديكي
ومش بلاقيكي
روح مع روح قلب في قلب
ايه الذنب في عشقي ليكي
مش بلاقيكي
في عز الليل احن وأميل
ابحث عنك واقرب منك
مش بلاقيكي
لما بعوزك وإلا احتاجك
والا افضفض هنا في رحابك
بردو كمان
مش بلاقيكي
حكايه تحير ليه تتغير
هو الشوق مجاش نواحيكي
عشان بشتاقلك
ومش بلاقيكي
عايش حيره بحب أميرة
وحب يجنن ونار الغيرة
في عز حبي
مش بلاقيكي
سألت نفسي ناسيه هواي
والابتتقل وكمان تأسي
ليه عقلك يلعب بيكي
لما ادور وابحث عنك
مش بلاقيكي
انا محتاجلك لحنان قلبك
عطفك ودك وحنان قربك
محتاج حبك
ومش بلاقيكي
حبي ليكي فوق الكون
حب اكتر من الجنون
ومافيش حد يحبك قدي
وبشتاقلك وياما بندهلك
ومش بتردي
ومش بلاقيكي
عايش أملي اني اضمك
وان هوايا يجري في دمك
وتحسي بحالي
وسهري ليالي
يمكن ساعتها
اني الاقيكي
ومش بلاقيكي
مستنيك
ايوه بحبك مش هاداريها
وكل فكري مشغول بيكي
مستني طيفك اناجيكي
واللمحة اللي مش بلاقيها
موافقه هواكي وبتماشيكي
بمسحها وارجع اخببها
علشان عشقي وحبي ليكي
ايوه حقيقي مستنيكي
في عز الليل والف دليل
قلبي موسع مطرح ليكي
ومش بلاقيكي
همسك عشقك صوتك عطرك
حاسس بيهم وبخبيكي
جوه ضلوعي وأهات خضوعي
نبض قلبي عايش ليكي
أنا بعلنها انا عايش بيكي
ومستنيكي
ضيف احلامي ورفيق غرامي
وبدر ايامي حتي القمر اللي في العالي
بيغير منك ويموت فيكي
انا بعترف اني بهواكي ودايب
دوب انا دايب فيكي
وبكل شوق كلي ليكي
وبناديكي
ان غمضت عيوني اشوفك
وان فتحت كمان بتشوفك
طابعه في ودني نبرات صوتك
حتي العطر الفايح منك
روحي بتشمه وبفضل المه
واحضن فيكي
انا بعلنها انا دايب فيكي
ومستنيكي
بقلمي المتواضع
محمود عزام
ليست هناك تعليقات:
إرسال تعليق