نفسي اكتب حاجات
واملا فراغ السكات
وانسي بيها الاهات
اللي بتاخدني في دوامات
الاقيني تايهه مع الدقات
دقه ورا دقه
والقلب مستني ساعات
يرسم خط الاحلام مع السكات
يدق باب الاحبه
يسمعهم الانين ويا الآهات
يصرخ من صمت الكلمات
ويجري يالف في الحب حكايات
قالوا زمان الحب مش بالنظرات
قلت روحي هايمه فيهم
و رسالتي واضحه ليهم
ناقصها صرخه منهم وليهم
تملا الكون آهات
ترجعلي عمري اللي فات
يدق علي وتر الناي الحزين
وينسيني جراح السنين
ونمشي في طريق منعرف
رايحين ولا راجعين
ياقلبي ياموجوع
كفاياك بقا رجوع
حب وافرح الحب مش ممنوع
املا الكون اغاني بسط لنفسك الموضوع
مهما الدنيا تعاندنا هنحبس الدموع
ونرفع راية الامل من غير ذل ولا خضوع
همسات خفيه
بقلمي ساميه ابراهيم
ليست هناك تعليقات:
إرسال تعليق