فك الحزام الشاعر محمد البريمي

 شعر غنائى شعبى ..

(( فك الحزام ))

فك الحزام يا صاحبى .. م تحبكهاش ..

الدنيا ما تساويش .. لحظه تعيشها ف إنتعاش ..

عيش يومك و إنسى همومك .. إوعى نفكر ف اللى فات ..

إرمى حمولك ع اللى خلقك .. هو فاكرك م بينساش ..

        فك الحزام يا صاحبى ..

هتفكر ليه و   لإمتى .. و العمر منك بيروح ..

شيل إيدك من على خدك .. خليك كده بحبوح ..

و إرضى بالمفسوم و عيش .. اللى ف إيدك أحسن من م فيش ..

بكره تدور م تلاقيش .. ترجع تندم ع اللى صار ..

        فك الحزام يا صاحبى

فضلت تحزن و تشيل ف قلبك .. لما  حلم العمر ضاع ..

اللى عشت عمرك تبنى فيه .. و إنت  ف سنين الضياع

كنت فاكر إن ليك ..  اصحاب كتير مخلصين ..

مش هيبعيوا و يشتروا فيك .. لكن الزمن طلع غدار .. 

       فك الحزام يا صاحبى

بقلم الشاعر الغنائى ..

محمد البريمى ..