(وصايا جار )
جار جار على الجار
ونظرة من عين لعين تودى النار
قعدة جيران فى الشارع بدأت بالليل
انتهت بالنهار
جرح فيها الجار حرمة الجار
حرمة الدار قاعده مع حرمة الجار
وقاعد بينهم صاحب الدار
وفى غياب الحمار تبادلت الانظار
ما بين صاحب الدار وحرمة الجار
ومع سلامة نية حرمة صاحب الدار
مفيش حاجة تلفت الأنظار
بس الزمن دوار يوم ليك
ويوم عليك يا صاحب الدار
وبعد تبادل الأنظار
بقت القعده ضحك وهزار
بين صاحب الدار وحرمة الجار
وبسلامة النيه م الهفيه
اللى سايبها ونايم م العشيه
ها تخرب الدار علشان الحمار
حط الكبريت جانب النار
♤وصية♤
(اربط حمارتك في دارك تسلم من أذى جارك )
صاحب الدار ضعيف النفس ومكار
مستنى الفرصه ولو جات مهتعديش
من التعلب المكار
اصحى ياحمار وفوق
علشان الدنيا معاك تروق
وتبقى أنت إللى فوق
فُوُق بدل ما تنزيل تحت
ويطلع المكار فوق
ساعتها مش هايفيد الندم
ياحمار
وتعيش إللى باقى من عمرك
فى العار
بقلم/شاعرالغلابه //حسن علوش
ليست هناك تعليقات:
إرسال تعليق