تعبت معاك يا قلبي
تعبت معاك يا قلبي ............معرفش ايه يريحك
وأسيت كتير من حبي....... وكتير كتير بيجرحك
جواك كتبت بدمي إسمه.......... عشانه ياما شلت همه
وكنت يا قلبي حضن ضمه........ولا عمره كان بيلمحك
انا وانت شوف من امتي. كنا ياما بنراضي فيه
في لحظه ليه هنا عليه. بنا عاش أجمل لياليه
بالرخيص يا قلبي باعنا......... بعد ما ف حبه ضيعنا
وجاي دلوقتي يودعنا
دمع البكي منه اشتكي. يا قلبي ليه صوتك حزين
قولوا يا ناس فين الإخلاص. هانت عليه عشرة سنين
وقفنا جنبه ف الحياه......... وكل المرار دوقناه معاه
أخرتها سابنا بألف اه
الشاعر / عرفات فرج الله بلبل
ليست هناك تعليقات:
إرسال تعليق