مجنون
اه انا اعقل مجنون
وبهواكي انا المفتون
اكسر اخبط
اشيل احط
اهد كل اللي بنيته
لو لقيته
يبعدنا في يوم
مهموم
لو غلبتنا سكة الظنون
ما انا اعقل مجنون
تعالي لومي وعاتبي
ابعدي بس جمبي
ماتفرضيش علينا غياب
وتنسي اننا احباب
غاب
العقل هتشوفيه مسجون
ازاي تنسلي بايدك هوايا
وتهربي في مقدمة الحكايه
وازاي عاوز حرفي ساكن
مايثور ولا يبعتر الاماكن
بعد ماحس انه عليكي بيهون
ده انا بيكي اعقل مجنون
لو يوم لعب بيكي الفكر
ماتجيش وتقولي باختبر
الصبر فجر
هوانا فوق الامتحان
يا اما هان
ده الزمن وقته مسنون
فارد جناحاته
مايستني اللي فاته
ولا يقف تاهت محطاته
باهت اللي يسهي بلحظاته
وندمه بالف شكل ولون
واسالي اعقل مجنون
لو العقل جواك اتناصح
ولعب معاكي دور الناصح
نزلي حمولتك وكملي المسير
لانك انا وانا انتي لاغير
وبلاش تلعب بينا فكرة
بكرة بيهامدفون
خديها من اعقل مجنون
ليست هناك تعليقات:
إرسال تعليق