علي بالك شعر غنائي بقلم الشاعر//محمد البريمي

 شعر غنائى ..

(( على بالك ))

إوعى يخطر يوم على بالك ..   إستغنى عنك أو أنساكى ..

تبقى لسه مش عارفانى .. أنا يا حبيبتى طوع هواكى ..

بعد م  أحبك و أفتحلك قلبى .. و تنورى  حياتى كلها و دربى ..

إزاى  أخونك أو أبيعك .. دنا يا حبيبتى كلى فداكى ..  ..

         إوعى يخطر  يوم ..

بعد م  ملكتى روحى و الفؤاد .. من أول سهم جه  ف العين ..

و بقالى عوازل و حساد .. معرفش دول جولى منين ..

قال إيه بيحسدونى عليكى ..

عشان بحبك و دايب فيكى ..

و يقوليلى أتهنى بيكى .. و إنتى عايزه تفكرينى بالغدارين ..  

        إوعى يخطر يوم ..

أحلى عمر عشته ف حياتى .. و إنتى يا حبيبتى قصاد عينى .. 

ياريتها دامت أيامه .. لمسة حنان  كانت تكفينى ..

أبص ف عنيكى أشبع كفايه .. لو محتاج حنان قلبك معايا ..

عايزانى أقولك إيه تانى .. بعد أشواقى و  حنينى ..  

        إوعى يخطر يوم ..

بقلم الشاعر .. 

محمد البريمى ..