شعر غنائى شعبى ..

(( من يوم وعيت ))

من يوم م وعيت ع الدنيا .. و هيا بتعاكس فيا ..

حالفالى بربها و دينها .. لتشبعنى عذاب و أسيه  ..

م إتهنتش ف حياتى ولا يوم .. م الحنان ديمآ محروم ..

الفرح ف قلبى م بيدوم .. أصل الحزن مكتوب عليا ..

        من يوم وعيت ع الدنيا

الحظ تملى معايا مشاكس .. لو تضحك شفايفى تسبقها  الدموع ..

تنزل ع الخد يشعلل نار .. ولا حد يسأل إيه الموضوع ..

المنام يصبح أوهام .. و الأحلام تتبدل بألام ..

و الأشواق يقابلها  خصام .. و الهنا يصير   موجوع  ..

        من يوم م وعيت ع الدنيا

تملى الهموم مصحبانى .. شايلها لوحدى ولا حد دارى .. 

و الدنيا كمان عصيانى .. محدش حاسس بنارى .. 

أنده أصرخ مين يسمعنى .. أقرب الناس ليا باعنى ..

يارب ع الظالم تعينى .. إنت عالم بأسرارى ..

          من يوم م وعيت

بقلم الشاعر الغنائى ..

محمد البريمى ..