مش حجر
مش معني اني ذكر
انك هتلاقي قلب من حجر
ده لو بعينك دمعه
هتلاقيها بين الضلوع لروحي واجعه
لو الالم جواكي بيسطر علامات
وقتها بس تعرفي انه فيا النبض مات
بس ماتلاقيش اترسم علي ملامحي اثر
اه ممكن وجعك يزلزل بعلو الصوت
لكن صداه جوايا يشق الكيان ويفوت
قدامك بتلاقيني بنيان من جماد
وحياتك صدقيني مافي اصعب من وجع الولاد
وفي خلوتهم بتسيل الاهات مطر
وانا ماشي يا ارض اتهدي
فرعون ولا عليكي قدي
ومن جوه فراغ فاضي
ماليني الانين ساكت راضي
والوتين اتعود وخلاص عالاهه صبر
انا زيك للحنان كمان عطشان
ومين قال ان الراجل مايعرف حرمان
اوقات الروح جوانا تئن بصوت
بس ممنوع صوتها يشوف النور ولازم السكوت
حتي صراخ التعب وقت جبروته بسكر
جبل واقف وجواه الف بركان
يهزه ورغم المشاعر بغليان
بس ممنوع ثورته تعدي الحدود
ولازم جوه منه يتشق مليون اخدود
ويقفل علي وجعه والكتمان هو القدر
مش معني اني ذكر
انك هتلاقيني بشر من حجر
ليست هناك تعليقات:
إرسال تعليق