لسه بتكتب
.......
ياااااقلبك ومنهدة الأيام وعنادك
يااااطول بالك قلم وكراسة وياك
يااااحلم لسة شايله ببأجتك معاك
كنت فاكر دية لعبةوشخبطة حرف
وكلام على السطور نازل رص
منه تنهيدة من سنة مكسورة ياااا
حفضل أبص ديما فى عنيكى لما الكلام يخلص وأخد بباقى حقى
سكات ونظرة حيرة تأخدنى وتودى ياقبلة ماخلى محرابك من
التكبير ياغصن زيتون بنارك أنشعل ألف عووووود
يااااحضن دافى لملمنى والكلام
ياااانسمة بارده فى ليل السكات
ياااا قلب أبنك فى حضنك بنام
يااااهفهفة منديلك بعرقى يلم
ياااا كل الوجع عمرها ماتأن
بتدور على أيه وأنشغالك باالتدوير ماكفى كل الزمن اللى فات
منه اللى ينقرأ ومنه اللى ينكتب فى ألف كتاب
ياحتة من الطينة لق بل كل طينة الحب والأحباب
لسه بكتب لسة بتعلم أفك الخط
لسه الجناين بينحصد فيها ورد
لسه الكتاب فى أوله مرسوم
لسه الشخبطة بألف لون ولون
لسه باكتب وكلامى مش مسموع
والله كبرت وشعرك شاب والعجز فى النظر له دلوقتى قصه
ح تخاف على القلم والا السطور لك بصه ياقلب أمك
أكتب ولاتنعوج فى كتباتك لحسن أقولك تانى
لسه بتكتب
حمدى البسيونى
ليست هناك تعليقات:
إرسال تعليق