حاول أول ماتقوم م النوم
تغسل قلبك
بعد ما تغسل وشك على طول
هتلاقي اليوم
يمكن عادي
لكن قلبك هيكون مغسول
فيقابل بالبسمة.. البسمة
وهيصبر وياك ع القسمة
وفـ كل القرارات الحاسمة
هيكون لك قلب..
ماهوش مشغول
وماهوش مقفول
وماهوش كاروهات
أبيض وأسود
هيكون أخضر
ويعاند في اليوم الأغبر
ويشد الشمس عشان تحضر
وهيعدل في عينيك المايل
يسبق عقلك ويروح قايل
وعشان مغسول
وماهوش شايل
حيصالحك وهيفضل قابلك
ولا ها يدبل ويموت قبلك
وإن سألوك قول..
ماصادفتش قلب
ومات مقتول
علشان مغسول
ليست هناك تعليقات:
إرسال تعليق