ادخل بيت بالطين وقصر رخام
شوف مين قلبه حزين ومين فرحان
شوف مين باله رايق ومين بالمال شقيان
شوف مين فيه الصحه عافيه ومين مرضان
شوف فين اللمه والباب مفتوح دائما للخلان
ياابن ادم لو كنوز الدنيا معاك صدقني تكون حيران
والنوم يداعب عينيك ومافيش لك عليه سلطان
إنما لو بتاكلها بدقه وتعيش يومك سعيد فرحان
وتحب الناس ولمة الأهل حواليك والخلان
دي هي الكنز الحقيقي مهما كنت عالي الشان
خدها مني نصيحه عمر الحب متشتريه بالمال
ولا تحس الامان ونشوف الجماااال
ألا وقلبك خالي ومفيهوش حرمان
وترضي عن حالك مهما كنت فقير الحال
وتشكر ربك على نعمه هو دا أضعف الإيمان
يوم القيامة تكون مع حبيبك المصطفى العدنان
تشرب من أيده شربة هنيه مش هتكون ابدا عطشان
هي الاخره الابقا مهما عمرك في الدنيا طال
لازم برضو مروح ودا شئ مفيهوش جدال
يلا نحب ونفرح ونقول الحمدلله مهما يضيق الحال
وخلي اللي معاه المال ينفعه في الاخره ويحوش عنه الأهوال
اللي هيندم ندم عمره علي يوم فكر يجمع فيه المال
ونسي فضل ربه عليه وأنه سبحانه ممكن ببدله الحال
وزي مااعطاه المال ممكن برضو في ثانيه يبقا فقير الحال
مجرد نصيحه
بقلمي ساميه ابراهيم
ليست هناك تعليقات:
إرسال تعليق