طلقات حنين
طلقات الحنين بتصفي في الروح
والدقات جوه القلب بتغربل
صوت الأشتياق مبحوح
الأنين فارد جيوشه
البكا سلط سيوفه
الالم ويا الوجع مادين الخطاوي
تجاه طيبه ع الجبهه سلمت للحكاوي
ولا كنت ناوي
تاسرني الجروح
قصتنا فجاه اتحولت لبشاير حرب
هوانا جوفه ثار ظبط نيشانه
جاهز للضرب
احلامنا اتبدلت زرعنا الورود
وخطينا لقيناها اتفجرت في اللي كان موجود
موتنا الحب الجميل وبات قبره مفتوح
نظرات اللهفه كما السهام اتصوبت
بغل ساكن العيون اتلونت
علي اشواقنا سددت
حكاوي الغرام تاهت بين اصوات الدفوف
اتكفنت ساعات الحنين بتوب الخسوف
النجوم اللي كانت فرحانه علي لحن لقانا
اخدها الوجع رقصت رقصة المدبوح
عهود الوفا والصدق باتت سراب
اتنقضت بغدر ووهم اسمه كنا احباب
اترسمت خريطه جديده وبقا لينا حدود
سنين الهجر الجايه عليها شهود
اتمنعت حاجات كتير كانت بينا
اولها ننسي اننا اتقابلنا
لهفه ممنوع
اشتياق ممنوع
حنين ممنوع
حتي السؤال ممنوع
كل اللي بينا صبح وجع مفضوح
ليست هناك تعليقات:
إرسال تعليق