باخد علي خاطري عشانك غالي
باعاتب لاجل ماتروح عن بالي
ولا يدوب مرة بين ايادينا سلام
او يعشش ويفرد ظلامه خصام
اللهفه ليكي ماتموتش زي الوصال
او يتبخر اشتياق كما حلم طال
بلاش تتغرب نظراتنا وقت لقاها
عند نجمتنا اللي مواعدها الليالي
لو كارهك هيموت بينا اي لوم
اصل بعدي نغم وجعه محروم
ولما جيتك افرشلك عتابي
كنت حابب للحنين ما اقفلش بابي
ولا اشخبط علي صورة حلوة
رسمناها بود بينا بيلالي
ما رضيتش اشيل علاقتنا من الجذور
واخلف ورانا جفاف ونبض بور
كنت عشمان وياكي اقطف التالف
لاجل ماتطرح ايامنا صفا ياريتك
كنت شايف او عارف
ان القسوة ماكانت كاري ولا الهجر
بيحلالي
وللاسف كالعاده سوء تقدير بزياده
وفكرك قافل باقتناع يا خالي الوساده
والدقات جواك ليها الف تبرير
وعلي كل لوم مليون تفسير تزوير
خطاك تملي ساكن برجه العاجي العالي
ولا قابل عتب محبه كان شايفك غالي
ليست هناك تعليقات:
إرسال تعليق