باتمني شعر غنائي بقلم محمد البريمي

 شعر غنائى ..

(( بأتمنى ))

بأتمنى أشوفك كل دقيقه .. أسمع صوتك أنسى الألام ..

بس العزول الله يسامحه .. ملازمنى حتى ف المنام  ..

طاب أعمل إيه لعيونى السهرانين .. و أقول إيه للشوق و الحنين  ..

ونا بأستنى اللحظه من وقت لحين .. عشان أشكيلك من نار الغرام ..

         باتمنى أشوفك ..

أنا حالى يصعب ع الكافر .. مافيش رضا و سماح ..

و العمر لحظه بتعدى ف ثوانى .. مين غيرك يعوضنى شبابى اللى راح   ..

نفسى أعيش ف الجنه لو يوم .. و أنسى إن كنت ف يوم محروم ..

و أبعد عن ظلم الناس و اللوم .. و أنام و البال خالى و  مرناح ..

          أتمنى أشوفك ..

ف إديكى تسعدى قلبى و تطمنيه .. و ف إيديكى برضه تحطميه ..

بس إنتى م هيهونش عليكى .. بعد م حبك تأسى عليه  .. 

قلبك الطيب مش هيطاوعك .. و هتيجى لوحدك بطبعك .. 

حتى لو كان الخوف منعك .. حبك هيتغلب عليه .. 

         بأتمنى أشوفك .. 

بقلم الشاعر الغنائى ..

محمد البريمى ..